Sport24.az
Bu gün I Liqada mövsümün 27-ci tur start götürəcək. Sport24.az xəbər verir ki, mövsümün son turunun ilk oyun günündə 2 qarşılaşma baş tutacaq.
Çempionluğu rəsmiləşdirən "Qəbələ" "Qaradağ Lökbatan"ın qonağı olacaq. Qəsəbə təmsilçisi bu gün məğlub olacağı təqdirdə II Liqaya yuvarlanacağı rəsmiləşəcək.
"Karvan" isə Mingəçevirə səfər gözləyir. Bu matçda yevlaxlılar xal itkisi ilə üzləşsə "İmişli"nin "gümüş" qazanacağı dəqiqləşəcək. "Karvan"ın qalib gələcəyi halda isə hər şey sabah keçiriləcək "Difai" – "İmişli" oyununun nəticəsindən asılı olacaq.
Qeyd edək ki, "Qəbələ", "Karvan" və "İmişli" növbəti mövsüm üçün Misli Premyer Liqasına vəsiqə qazanıblar.
22 may (cümə axşamı)
17:00. "Qaradağ Lökbatan" – "Qəbələ"
Hakimlər: Kamran Əliyev, Elman Kərimov, Vüqar Bayramov, Niyaz Əhmədov
Lökbatan OİK stadionu
17:00. "Mingəçevir" – "Karvan"
Hakimlər: Şamil İmanzadə, Qəzənfər Məmmədov, Taleh Məmmədov, Nazim Abdullayev
Y.Məmmədzadə adına Mingəçevir şəhər stadionu (ehtiyat meydança)
23 may (cümə)
15:00. "Cəbrayıl" – "Zaqatala"
15:00. "Baku Sporting" – MOİK
15:00. "Difai" – "İmişli"
