Idman.biz
"Napoli"nin yarımmüdafiəçisi Andre Zambo Angissa Kamerun millisində beynəlxalq oyunlarda iştirak edərkən ciddi zədə alıb.
İdman.Biz yarımmüdafiəçi oktyabr ayında Seriya A-nın ayın oyunçusu seçilmişdi.
"Kamerun millisində oynayarkən zədə alan Andre Zambo Angissa bu gün Pineta Qrande xəstəxanasında müayinədən keçib və sol budundakı əzələsində ciddi bir yırtıq aşkarlanıb. Oyunçu artıq reabilitasiya proqramına başlayıb", - deyə "Napoli"nin rəsmi saytında bildirilir.
Qeyd etmək lazımdır ki, hazırkı İtaliya çempionunun digər yarımmüdafiəçisi Kevin De Bruyne də daha əvvəl zədə alıb. Belçikalı futbolçu 2026-cı ilə qədər "Napoli"də oynamayacaq.
Angissa bu mövsüm klubun heyətində bütün yarışlarda 14 oyunda dörd qol vurub və bir məhsuldar ötürmə edib.
UEFA Çempionlar Liqasının ümumi mərhələsi çərçivəsində "Napoli" noyabrın 26-da "Dieqo Armando Maradona" stadionunda "Qarabağ"I qəbul edəcək.
