Sport24.az
"Yavaş-yavaş zədəmi bərpa edirəm. Artıq trenajor zalında bəzi hərəkətlərə başlamışam. Həkimlərimiz sağalmağım üçün əlindən gələn hər şeyi edirəm. Komandada məşqçilər heyəti və futbolçular mənə mənəvi dəstəyini əsirgəmir. Buna görə "Qarabağ" camiəsinə təşəkkür edirəm". Bu sözləri Sport24.az-a açıqlamasında "Qarabağ"ın qapısıçısı Amin Ramazanov deyib.
Xeyli vaxtdı zədədən zəiyyət çəkən "çərçivə qoruyucusu" yaşıl meydanalara qayıdışından danışmaqla yanaşı, kollektivə yeni cəlb olunan qolkiperlər barədə də fikirlərini bölüşüb: "Komandanın məşqlərinə nə vaxt qoşulacağımı hələ dəqiq bilmirəm. Zədəmin tam sağalması üçün 5-6 ay vaxt lazımdı. O ki qaldı yeni gələn qapıçılara, hər ikisi səviyyəli qolkiperdi. Çox istərdim ki, tezliklə sağalıb, onlarla birgə məşq edim. Düşünürəm, bunun mənə çox faydası olacaq. İstər Mateuş Koxalski, istərsə də Fabian Buntiç mənə sağlamlığımla bağlı motivasiya verirlər ki, bu da mənə xoş gəlir".
Qeyd edək ki, Ramazanov "Qarabağ"ın Avstriyadakı təlim-məşq toplanışında ağır zədələnib. Onda sağ dizinin ön çarpaz bağlarının tam qopması aşkarlanmışdı.
ABDULLA İSMAYILOĞLU
