İdman.biz
Çempionlar Liqasının pley-offunda Zaqreb "Dinamo"sunun qonağı olacaq "Qarabağ" iki yubileyin astanasındadır.
İdman.biz xəbər verir ki, Ağdam klubu avrokuboklarda 70-ci qələbəni qazanmaq arzusundadır.
Azərbaycan çempionu tarixi ərzində 69 görüşdə avropalıları məğlub edib. Xorvatiyaya qələbə üçün yollanan Qurban Qurbanovun yetirmələri hədəfinə çatsa, bu, 70-ci qələbə kimi tarixə düşəcək.
Əldə olunacaq qalibiyyət həm də Çempionlar Liqasında 25-ci olacaq. "Qarabağ" qitənin ən nüfuzlu klub turnirində indiyədək 24 dəfə sevinib.
Digər qələbələrdən 36-sı Avropa Liqası (əvvəlki UEFA kuboku), 8-i Konfrans Liqası, 1-i İntertoto kubokunda qeydə alınıb.
Qeyd edək ki, "Dinamo" ilə "Maksimir"dəki matç "Qarabağ"ın avrokuboklarda 181-ci, Çempionlar Liqasında 56-cı sınağı olacaq.
Vüqar Xeyrullayev
İdman.biz
