Idman.biz
Türkiyədə təlim-məşq toplanışında olan "Qarabağ" komandası növbəti yoxlama oyununda da qələbə qazanıb.
İdman.Biz bildirir ki, Qurban Qurbanovun baş məşqçisi olduğu kollektiv Polşanın "Zaqlembe" komandasına qalib gəlib - 3:1.
Ağdam təmsilçisinin heyətində Leandro Andrade (6), Abdullah Zubir (56) və Joni Montiel (69) fərqləniblər.
Qeyd edək ki, Ağdam təmsilçisi daha əvvəl Özbəkistanın "Neftçi klubunu (5:0) üstələyib, Xorvatiyanın "Osiyek" kollektivini isə 3:1 hesabı ilə məğlub edib.
20:55
Türkiyənin Antalya şəhərində təlim-məşq toplanışı keçən "Sumqayıt" üçüncü yoxlama görüşündə də uduzub.
İdman.Biz-in məlumatına görə, "Sumqayıt" bu dəfə Xorvatiyanın "Osiyek" kollektivinə məğlub olub - 0:2.
Saşa İliçin baş məşqçisi olduğu kollektiv daha əvvəl Macarıstanın "Pakş" (1:5) və Serbiyanın OFK (Berlqrad) (1:4) komandalarına uduzmuşdu.
20:29
Türkiyədə təlim-məşq toplanışında olan "Zirə" komandası üçüncü yoxlama oyununda uduzub.
İdman.Biz-in məlumatına görə, Rəşad Sadıqovun baş məşqçisi olduğu kollektiv Çexiyanın "Bohemians 1905" klubu ilə qarşılaşıb və 1:3 hesabı ilə məğlub olub.
Azərbaycan kollektivinin qolunu 41-ci dəqiqədə Ruan Renato vurub.
Qeyd edək ki, "Zirə" ilk yoxlama oyununda Rumıniyanın "Çiksereda" komandası ilə bərabərə qalıb - 3:3. İkinci görüşündə isə Ukrayna təmsilçisi "Aleksandriya"ya 2:3 hesabı ilə məğlub olub.
19:31
Birləşmiş Ərəb Əmirliklərinin paytaxtı Əbu-Dabidə təlim-məşq toplanışında olan "Neftçi" sonuncu yoxlama oyununu keçirib.
İdman.Biz-in məlumatına görə, Çinin "Çenqdu Ronqçenq" kollektivi ilə üz-üzə gələn "ağ-qaralar" 3:1 hesablı qələbə qazanıblar.
Bakı klubunun qollarını Andrey Ştoqrin (9), Bassala Sambu (29) və İqor Ribeyro (53) vurublar.
"Neftçi" daha əvvəl Misir təmsilçisi "Piramids"lə heç-heçə (1:1) edib və Qazaxıstanın "Kayrat" komandasına üç cavabsız qolla qalib gəlib.
15:46
Türkiyədə təlim-məşq toplanışını davam etdirən "Zirə" futbol klubu ikinci yoxlama görüşündə məğlubiyyətlə üzləşib.
İdman.Biz xəbər verir ki, Rəşad Sadıqovun rəhbərlik etdiyi komanda bu dəfə Ukraynanın "Aleksandriya" kollektivi ilə qarşılaşıb. Görüş rəqibin 3:2 hesablı qələbəsi ilə yekunlaşıb. "Zirə"nin heyətində qollara 29-cu dəqiqədə Yeqor Boqomolski, 54-cü dəqiqədə isə Ceyhun Nuriyev imza atıb.
"Qartallar" bu gün daha bir yoxlama matçına çıxacaq. Komanda Bakı vaxtı ilə saat 18:00-da Çexiyanın "Bohemians 1905" klubu ilə üz-üzə gələcək.
Qeyd edək ki, "Zirə" toplanış çərçivəsində keçirdiyi ilk yoxlama oyununda Rumıniyanın "Çiksereda" komandası ilə 3:3 hesablı heç-heçə edib.
13:54
Türkiyədə təlim-məşq toplanışını davam etdirən "Qarabağ" klubu növbəti yoxlama görüşünü də uğurla başa vurub.
İdman.Biz xəbər verir ki, Qurban Qurbanovun rəhbərlik etdiyi komanda Xorvatiyanın "Osiyek" kollektivi ilə qarşılaşıb.
Görüş Azərbaycan çempionunun 3:1 hesablı qələbəsi ilə yekunlaşıb. Ağdam təmsilçisinin heyətində qolları 49-cu dəqiqədə Musa Qurbanlı, 57-ci dəqiqədə Aleksey Kaşuk və 90+3-cü dəqiqəsində Abbas Hüseynov vurub.
"Köhlən atlar" bu gün hazırlıq prosesi çərçivəsində daha bir yoxlama matçı keçirəcək. Komanda saat 19:00-da Polşanın "Zaqlebye" klubu ilə üz-üzə gələcək.
Qeyd edək ki, "Qarabağ" bundan əvvəlki yoxlama oyununda Özbəkistanın "Neftçi" komandasını 5:0 hesabı ilə məğlub edib.
09:48
Bu gün Azərbaycanın dörd komandası yoxlama oyunlarında qüvvəsini sınayacaq.
İdman.Biz xəbər verir ki, hazırda Birləşmiş Ərəb Əmirliklərinin paytaxtı Əbu-Dabidə təlim-məşq toplanışında olan "Neftçi" Çin təmsilçisi "Çenqdu Ronqçenq"lə üz-üzə gələcək.
"Ağ-qaralar" indiyədək Misirin "Piramids" klubu ilə 1:1 hesablı heç-heçə edib, Qazaxıstanın "Kayrat"ını isə 3 cavabsız qolla məğlubiyyətə uğradıb.
Türkiyənin Antalya bölgəsində toplanışda olan "Zirə" və "Qarabağ" isə bu gün iki oyuna çıxacaqlar. Paytaxt təmsilçisi Ukraynanın "Aleksandriya" və Çexiyanın "Bohemians 1905" komandaları ilə qarşılaşacaq. Ağdam klubu isə Bakı vaxtı ilə saat 12:00-da Xorvatiyanın "Osiyek", 19:00-da isə Polşanın "Zaqlebye" kollektivinə qarşı gücünü sınayacaq.
"Zirə" ilk oyunda Rumıniyanın "Çiksereda" klubu ilə bərabərə qalıb - 3:3. Özbəkistan təmsilçisi "Neftçi"ni beş cavabsız qolla məğlub edib.
"Sumqayıt" Antalyada sonuncu qarşılaşmasını keçirəcək. "Gənclik şəhəri" təmsilçisi axşam saatlarında "Osiyek"lə münasibətlərə aydınlıq gətirəcək. Saşa İliçin baş məşqçisi olduğu kollektiv daha əvvəl Macarıstanın "Pakş" və Serbiyanın OFK (Berlqrad) komandalarına uduzub - 1:5, 1:4.
