Idman.biz
Avropada payız-yaz sistemi üzrə keçirilən futbol üzrə milli çempionatlarda qaliblər müəyyənləşməkdədir.
İdman.biz xəbər verir ki, son iki mövsümdə "Qarabağ"ın rəqibi olmuş "Lincoln Red Imps" ardıcıl 7-ci, ümumiyyətlə isə 29-cu dəfə Cəbəllütariq çempionu olub.
Ötən həftəsonu 12-ci Azərbaycan çempionluğunu bayram edən Ağdam təmsilçisinin bu rəqiblə keçirdiyi dörd görüşün hamısında ümumi 13:1 hesabı ilə qalib gəldiyini də bildirək.
Qeyd edək ki, daha əvvəl həmçinin İngiltərə ("Liverpul"), Fransa (PSJ), Çexiya ("Slaviya"), Şotlandiya ("Seltik"), Yunanıstan ("Olimpiakos"), Serbiya ("Srvena Zvezda"), Bolqarıstan ("Ludoqorets"), Şimali İrlandiya ("Linfild"), Lüksemburq ("Differdanj"), Uels (TNS), Monteneqro ("Buduçnost") və San Marinoda ("Virtus") da 2024/25-ci illər mövsümünün çempionları bəlli olub.
İdman.biz
