Sport24.az
Braziliyalın "Botafoqo" klubu Macarıstanın "Ferentsvaroş" komandasında çıxış edən Julio Romaonun transferi ilə bağlı danışıqları yekunlaşdırmaq məcburiyyətində qalıb. Sport24.az yerli mətbuata istinadən xəbər verir ki, A Seriyası təmsilçisinin futbolçunu heyətinə qatmaq planı boşa çıxıb.
"Botafoqo" rəhbərliyi macarlara üç təklif göndərib. Bunların hamısı satınalma hüququ ilə oyunçunun icarəyə götürülməsi idi. Lakin "Ferentsvaroş" yalnız birdəfəlik satışa razı olub.
"Qarabağ"ın sabiq futbolçusu Julio Romao da bu keçidə müsbət yanaşıb. Lakin istəyinə çatmayıb.
"Botafoqo" daha əvvəl "Qarabağ"ın futbolçusu Pedro Bikalyonu da transfer etmək istəyib. Klubun bir neçə təklifi Azərbaycan çempionunu razı salmayıb. Yekunda, baş məşqçi Qurban Qurbanov yarımmüdafiəçinin ən azı mövsümün sonunadək komandada qalacağına qərar verib.
Qeyd edək ki, 2022-ci ildən "Qarabağ"da çıxış edən Romao ötən ilin əvvəlində komandadan ayrılmışdı.
