Idman.biz
Avropanın aparıcı futbol çempionatlarında bu həftəsonu maraqlı qarşılaşmalar keçiriləcək.
İdman.biz xəbər verir ki, azarkeşlərin diqqəti həm də Çempionlar Liqasında "Qarabağ"ın rəqiblərinə yönələcək.
İngiltərə Premyer Liqası: "Çelsi" – "Liverpul" qarşıdurması
İngiltərə Premyer Liqasının 7-ci turunda "Çelsi" və "Liverpul" qarşılaşacaq. Hər iki komanda əvvəlki turda gözlənilmədən xal itirdiyi üçün bu oyunda itirilmiş mövqelərini bərpa etməyə çalışacaq. "Mançester Yunayted" "Olt Traford"da "Sanderlend"i qəbul edəcək. Turnir cədvəlinə 15 xalla "Liverpul" başçılıq edir.
İspaniya La Liqası: "Real" – "Vilyarreal" oyunu
İspaniyada diqqət "Real Madrid" – "Vilyarreal" qarşılaşmasına yönələcək. Derbidəki 2:5 hesablı məğlubiyyətdən sonra "Real" öz meydanında qalib gələrək uğursuzluğu unutdurmaq istəyir. Lider "Barselona" səfərdə "Sevilya" ilə, "Atletiko" isə "Selta" ilə qarşılaşacaq. "Qarabağ"ın növbəti rəqibi "Atletik" isə evdə "Malyorka" ilə oynayacaq.
İtaliya A Seriyası: "Napoli" liderliyi bərpa edə bilər
"Qarabağ"ın digər rəqibi "Napoli" "Milan"a məğlubiyyətdən sonra bu tur autsayder "Cenoa" ilə qarşılaşacaq. "Milan" isə "Yuventus" səfərinə yollanır.
Almaniya Bundesliqası: "Ayntraxt" – "Bavariya"
Almaniyada "Qarabağ"ın rəqibi "Ayntraxt" evdə "Bavariya"nı qəbul edəcək. Favoritlə oyun Frankfurt təmsilçisi üçün ciddi sınaq olacaq.
Fransa 1-ci Liqası və Türkiyə Superliqası: Liderlik uğrunda mübarizə
Fransada "PSJ" və "Lion" liderliyi bölüşür. "PSJ" səfərdə "Lill", "Lion" isə evdə "Tuluza" ilə qarşılaşacaq. Türkiyə Superliqasında isə "Qalatasaray" və "Beşiktaş" arasında növbəti İstanbul derbisi keçiriləcək.
"Qarabağ"ın Çempionlar Liqasında məğlub etdiyi komndalar da meydana çıxır
Ağdam klubunun ilk turda 3:2 hesabı ilə məğlub etdiyi "Benfika" Portuqaliya çempionatında lider "Portu" ilə qarşılaşacaq. "Kopenhagen" isə Danimarka çempionatında "Mitjyulland"la oynayacaq.
"Qarabağ" Çempionlar Liqasında iki turdan sonra maksimum 6 xal toplayaraq qrup mərhələsində liderlər sırasında qərarlaşıb.
Teymur Tuşiyev
