İdman.biz
"Qarabağ" Avropa Liqası Liqa mərhələsindəki 8 rəqibindən yalnız ikisindən – "Elfsborq" (İsveç) və "Bodo Qlimt"dən (Norveç) daha zəngin avrokubok təcrübəsinə malikdir.
İdman.biz Ağdam klubunun rəqiblərinin qitə yarışlarında oyun təcrübəsini nəzərdən keçirib.
Ən böyük təcrübəyə malik Niderland "Ayaks"ı qitə arenasında keçirdiyi 468 oyunda 229 qələbə qazanıb. Amsterdamlılar qol sayında da artıq 9-cu "yüzlük"dən sayırlar.
Oyun sayına görə sonrakı göstəricilər FCSB (Rumıniya; 356 oyun) və "Olimpiakos"da (Yunanıstan; 355 oyun) olsa da, 263 oyun keçirmiş "Tottenhem" daha keyfiyyətli nəticələr əldə edib. İngilis klubu 140 qələbə ilə bu göstəricidə "Qarabağ"ın rəqiblərindən yalnız "Ayaks"dan geri qalır.
182 görüşdə 69 qələbəsi olan "Qarabağ"ı bu göstəricilərdə 6 rəqibi qabaqlayır.
Ən az təcrübəsi olan 81 matçda 39 qələbəsi olan "Bodo Qlimt"dir.
Qələbə və məğlubiyyətlərin nisbətində iki klub mənfi balansa malikdir. "Olimpiakos" və "Malmö" qələbələrindən 10 oyun çox məğlubiyyətə malikdirlər.
Cədvəldə rəqibləri qələbə sayına görə sıralayaraq təqdim edirik:
O Q H M T
Ayaks 468 229 100 139 808 – 510
Tottenhem 263 140 58 65 513 – 283
Olimpiakos 355 139 67 149 468 - 512
Lion 278 137 59 82 464 - 350
FCSB 356 137 98 121 491 - 463
Malmö 235 87 51 97 312 - 335
Elfsborq 106 48 22 36 174 - 135
Bodo Qlimt 81 39 14 28 152 - 106
Vüqar Məmmədov
İdman.biz
