"Qarabağ"ın Çempionlar Liqasındakı mümkün rəqibləri arasında ilk oyun bu gün keçirilib.
İdman.biz xəbər verir ki, I təsnifat mərhələsinin oyununda "Hamrun Spartans"la "Linkoln" üz-üzə gəlib.
İlk raunddan azad olan "Qarabağ"ın rəqibinin müəyyənləşəcəyi cütün ilk dueli Maltada baş tutub. Ada ölkəsinin çempionu Cəbəllütariq təmsilçisini öz meydanında qəbul edib və gözlənilmədən uduzub. "Linkoln" 37-ci dəqiqədə hesabı açıb və bu nəticə sonadək dəyişməz qalıb.
Komandalar arasında cavab oyunu iyulun 16-da baş tutacaq.
Qeyd edək ki, "Qarabağ"la bu cütün qalibi arasında matçlar iyulun 23-24-də və 30-31-də keçiriləcək.
Çempionlar Liqası
I təsnifat mərhələsi
İlk oyunlar, 9 iyul
20:45. "Hamrun Spartans" (Malta) – "Linkoln" (Cəbəllütariq) - 0:1
İdman.biz