Bu gün UEFA Avropa Liqasında Liqa mərhələsinin III turuna start verilib. Sport24.az xəbər verir ki, birinci oyun günündə iki qarşılaşma keçirilib.
Türkiyənin "Qalatasaray" komandası azarkeşləri önündə İsveç "Elfsborq"unu məğlub edib.
Norveçin "Bodo Qlimt" komandası isə Portuqaliyada "Braqa"ya son dəqiqələrdə vurduğu qolla qalib gəlib.
"Qarabağ" bu turda sabah Bakıda "Ayaks"la qarşılaşacaq. Həm "Elfsborq", həm də "Bodo-Qlimt" Azərbaycan təmsilçisinin rəqiblərindəndir.
UEFA Avropa Liqası
Liqa mərhələsi, III tur
23 oktyabr
Braqa (Portuqaliya) – Bodo-Qlimt (Norveç) 1:2
Qollar: S.Niakate, 64 – H.Evyen, 53, V.Nielsen, 90+4
Qalatasaray (Türkiyə) – Elfsborq (İsveç) 4:3
Qollar: M.İkardi, 28, İ.Petterson, 39 (avtoqol), B.Yılmaz, 44, Y.Akgün, 83 – N.Hult, 52, M.Baydo, 65 (pen.), J.Larsson, 90+2