Sport24.az
"Napoli"nin yarımmüdafiəçisi Kevin De Bruyne A Seriyasının 8-ci turunda "İnter"ə(3:1) keçirilmiş matçda sıradan çıxıb. Sport24.az xəbər verir ki, belçikalı penalti zərbəsini yerinə yetirərkən zədələnib.
Onun bud nahiyyəsində problem yaranıb.
Bir neçə dəqiqə sonra De Bruynenin yerinə Matias Olivera meydana daxil olub. Beləliklə, De Bruyne artıq Rasmus Höylünd, Stanislav Lobotka, Aleks Meret, Amir Rahmani və Romelu Lukakunun da daxil olduğu "Napoli"nin zədəli oyunçular siyahısına qoşulub.
Qeyd edək ki, Neapol təmsilçisi Çempionlar Liqasında "Qarabağ"ın rəqiblərindən biridir. "Napoli" - "Qarabağ" matçı 6-cı tur çərçivəsində, noyabrın 25-də İtaliyada baş tutacaq. Oyuna Bakı vaxtı ilə 21:00-da start veriləcək.
