Sport24.az
"Atletik" "Əl-Nəsr"dən transfer etdiyi Aymerik Laportu qeydiyyatdan keçirə bilməmişdi. Sport24.az xəbər verir ki, ispan müdafiəçinin sənədləri gecikdiyi üçün keçid baş tutmamışdı.
Bilbao klubunun FIFA-ya etdiyi şikayətə baxılıb. Ali futbol qurumu İspaniya klubuna müsbət cavab verib.
La Liqa təmsilçisinin mətbuat xidməti artıq 31 yaşlı futbolçunun qeydiyyatdan keçirilməsi üçün heç bir problem qalmadığını açıqlayıb.
İspaniya millisinin üzvü artıq rəsmən "Atletik"in oyunçusudur.
Qeyd edək ki, "Atletik" Çempionlar Liqasının Liqa mərhələsində "Qarabağ"ın rəqiblərindəndir. Azərbaycan çempionunun Bilbao təmsilçisi ilə oyunu oktyabrın 22-də səfərdə baş tutacaq. Bu oyunda Uilyamsın oynayıb-oynamayacağı sual altındadır.
