Sport24.az
Əlcəzairli futbolçu Yassin Benzia mövsümün sonunda "Qarabağ"dan ayrılmağa hazırlaşır. Sport24.az-ın əldə etdiyi məlumata görə, Səudiyyə Ərəbistanının əsas çempionatında çıxış edən bir klub 30 yaşlı yarımmüdafiəçini heyətinə qatmaq istəyir.
Hətta onun karyerasının ən gəlirli müqaviləsinə imza atacağı da gözlənilir.
Benzia hələlik "Qarabağ"ın yeni sözləşmə təklifini də qəbul etməyib. Afrika oyunçu maaş məsələsində razılığa gələ bilmir.
Hətta futbolçu Səudiyyə Ərəbistanında çıxış edən Əlcəzair millisinin futbolçuları ilə əlaqə saxlayıb və oradakı durum barədə maraqlanıb.
Qeyd edək ki, Benzia Azərbaycan təmsilçisində meydana çıxdığı 97 görüşdə 25 qol və eyni sayda məhsuldar ötürmə ilə yadda qalıb.
