Sport24.az
"Qarabağ"ın futbolçusu Kevin Medinanın Sport24.az saytına müsahibəsi
- Misli Premyer Liqasının 34-cü turunda "Araz-Naxçıvan"ı 2:0 hesabı ilə məğlub etdiniz. Oyunla bağlı nə deyə bilərsən?
Heç vaxt məğlubiyyətlə barışmaq istəməyən bir komandaya qarşı mübarizə apardıq. Artıq rəqibi tanıyırıq. Bu mövsüm onlara qarşı dəfələrlə oynamışıq. Məncə, komandamız pis təsir bağışlamadı və layiq olduğu qələbəni qazandı.
- "Qarabağ" çempionluğu təmin etdikdən sonra da qalibiyyətləri sıralayır. Oyunçular bu motivasiyanı hardan alırlar?
- Mövsüm ərzində bəzi səhvlərimiz olub. Onların üzərində işləmək, həmin səhvləri minimuma endirmək üçün bu matçlar bir imkandır. Növbəti mövsüm həmin xətaları təkrarlamaq istəmirik.
- "Qarabağ" böyük ehtimalla növbəti mövsüm UEFA Çempionlar Liqasına II təsnifat mərhələsindən başlayacaq. Bu sizə necə təsir edəcək?
- İstənilən halda II təsnifat mərhələsindən başlamaq bir oyun az keçirmək deməkdir. Amma digər məsələ ondan ibarətdir ki, çox vaxtımız olacaq. Lazım olan çatışmazlıqların üzərində işləmək üçün imkan əldə edəcəyik.
- Çempionlar Liqasında hədəf nə olacaq? Liqa mərhələsinə düşə bilərsinizmi?
- "Qarabağ" elə böyük klubdur ki, hər mövsüm məqsəd və hədəf eynidir. Mümkün qədər Azərbaycan xalqına və azarkeşlərə sevinc bəxş etmək istəyirik. Hədəf Çempionlar Liqasında Liqa mərhələsinə düşmək olacaq. Bunun üçün çalışacağıq.
- Azərbaycan Kubokunun finalında "Sabah"la üz-üzə gələcəksiniz. Həmin matç haqqında nə deyə bilərsən?
Hələlik bu oyuna vaxt var. Əsas olan növbəti qarşılaşmalardır. Kubok görüşü haqqında sonra danışa bilərik. Növbəti çempionat oyunlarında çatışmazlıqları aradan qaldırmaq niyyətindəyik.
- Transfer dönəmlərindən adınız başqa klublarla hallanır. Növbəti mövsüm sizi "Qarabağ"da görə biləcəyik?
Söz-söhbətlər həmişə var. "Qarabağ" mənim klubumdur. Burada həmişə özümə qarşı xoş münasibət görmüşəm. Sadəcə, işləmək və irəliyə baxmaq lazımdır.
