Idman.biz
Pley-offda ilk oyunda "Kudrovka"ya 2:1 hesabı ilə qalib gələn, cavab oyununda isə evdə 0:1 və penaltilər seriyasında 3:4 hesabı ilə məğlub olan "Vorskla" 29 ildən sonra Ukrayna yüksək liqasını tərk edib.
İdman.biz xəbər verir ki, Poltava təmsilçisi vaxtilə iki dəfə ölkə çempionatının bürünc mükafatçısı (1997, 2018) və Ukrayna kubokunun qalibi olub (2009), 2018/19 mövsümündə Avropa Liqasının qrupunda "Qarabağ"la qarşılaşıb (1:0, 0:1).
Ukraynalı jurnalist Vladimir Zverovun sözlərinə görə, maliyyə problemlərinə görə "Vorskla"nın rəhbərliyi hətta klubun peşəkar səviyyədə fəaliyyətini dayandırmağı düşünür. Düzdür, futbolçuların kütləvi satışı gözlənilir ki, bu da vəziyyəti bir qədər yaxşılaşdıra bilər.
Qeyd edək ki, "Vorskla" bu yaxınlarda üçüncü transfer qadağası alıb.
İdman.biz
