Idman.biz
Ağdamın "Qarabağ" futbol klubunun ispaniyalı futbolçusu Joni Montiel sevdiyi xanıma evlilik təklif edib.
İdman.Biz xəbər verir ki, bu barədə onun sevgilisi Karlota Brunei özünün "İnstagram" səhifəsində paylaşım edib.
"Bəli, səninlə əbədi başlanğıca" - Karlota Brunei paylaşdığı fotoya şərh olaraq yazıb.
Xatırladaq ki, "Qarabağ" İspaniyanın "Rayo Valyekano" klubunun yetirməsi olan Joni Montieli bu ilin avqust ayında öz sıralarına qatıb.
Futbolçu ilə 2+2 illik müqavilə imzalanıb. Hücumameylli yarımmüdafiəçi "Qarabağ"da 9 nömrəli forma ilə çıxış edəcək. O, İspaniyanın U-17, U-18 və U-19 yığmalarının formasını geyinib. O, hələlik "Qarabağ"ın heyətində rəsmi debüt etməyib.
