Sport24.az
"Qarabağ"ın iki futbolçusu UEFA Çempionlar Liqasının əsas mərhələsinin VII turunda Almaniyanın "Ayntraxt" (Frankfurt) komandası ilə oyunu buraxmaq təhlükəsi ilə üzləşib.
Sport24.az-ın məlumatına görə, Mateus Silva və Kevin Medina sarı vərəqə limitindədirlər.
Hər ikisi artıq Liqa mərhələsində iki dəfə sarı vərəqə ilə cəzalanıblar.
Medina və Silva VI turda Bakıda "Ayaks"la (Niderland) görüşdə də vərəqə görsə, Frankfurt təmsilçisi ilə növbəti qarşılaşmada meydana çıxmayacaqlar. "Köhlən atlar"ın digər aparıcı futbolçusu Kadi Borges zədəli olduğu üçün matçların iştirak ərizəsindən kənarda qalıb.
Qeyd edək ki, "Qarabağ" "Ayaks"la dekabrın 10-da, "Ayntraxt"la 2026-cı il, yanvarın 21-də üz-üzə gələcək.
