Idman.biz
"Napoli" 2025/26 mövsümündə futbolçu və məşqçilərin maaşına rekord məbləğdə - 160 milyon avro xərcləyəcək. Bu barədə İdman.biz "La Gazzetta dello Sport"a istinadən xəbər verir.
Müqavilələr 2026-cı ilin iyul ayına qədər qüvvədədir və bu rəqəm Neapol klubunun tarixində ən böyük göstərici olub.
Ötən illə müqayisədə xərclər 50 milyon avro artıb. Səbəb həm Kevin De Bruyne və Rasmus Hojlund da daxil olmaqla üstün səviyyəli transferlər, həm də bir sıra əsas oyunçularla müqavilələrin uzadılmasıdır.
Yeni mövsümün əvvəlində "Napoli" A Seriyasına iki turdan sonra altı xalla liderlik edir - "Yuventus", "Kremoneze" və "Roma"nın da 6 xalları var.
Xatırladaq ki, "Napoli" Çempionlar Liqasının qrup mərhələsində "Qarabağ"ın rəqibidir. Klublar arasında qarşılaşma noyabrın 25-də Neapolda baş tutacaq.
İdman.biz
