Sport24.az
"Qarabağ" klubu Rusiyanın "Dinamo" (Moskva) komandasında çıxış edən azərbaycanlı futbolçu Ülvi Babayevlə maraqlanmır. Bu barədə Sport24.az-a Ağdam təmsilçisindəki mənbədən məlumat verilib.
Həmin şəxs mətbuatda yayılan iddiaları təkzib edib:
"Rusiyanın böyük klublarının büdcəsi Azərbaycan təmsilçilərindən daha böyükdür. Buna görə onların çoxu ilə maraqlanmırıq".
Qeyd edək ki, AFFA Ülvi Babayevin Azərbaycan millisinə cəlb olunması üçün danışıq aparır. 21 yaşlı hücumçu cari mövsüm "Dinamo"nun bütün yaş qruplarında 9 matça çıxıb və dörd qolla yadda qalıb.
