Idman.biz
"Onlardan qorxacağımız heç nə yoxdur".
İdman.biz Sportinfo.az-a istinadən xəbər verir ki, bu sözlər "Qarabağ"ın 19 yaşlılardan ibarət komandasının kapitanı Əli Qazıbəyova məxsusdur.
"Qarabağ"ın U-19 komandası UEFA Gənclər Liqasında "Benfika" (Portuqaliya), "Atletik" (İspaniya) və "Napoli" ilə səfərdə, "Kopenhagen" (Danimarka), "Çelsi" (İngiltərə) və "Ayaks"la (Niderland) doğma meydanda üz-üzə gələcək.
"Köhlən atlar"ın lideri bu yarışa ciddi hazırlaşdıqlarını, bütün rəqiblərə qarşı layiqli mübarizə apardıqlarını söyləyib.
Yarımmüdafiəçi UEFA Gənclər Liqasının səviyyəli turnir olduğunu, bununla belə, onların da uğur qazanmaq istədiklərini bildirib.
Komandanın aparıcı siması rəqiblər arasında "Ayaks"ı fərqləndirib. O, qeyd edib ki, Niderland təmsilçisinin akademiyası həmişə seçilib.
Qazıbəyov səfər matçlarından qalib kimi geri qayıtmaq istədiklərini də vurğulayıb.
İdman.biz
