Idman.biz
Bu gün "Qarabağ" klubunun U-19 komandası UEFA Gənclər Liqasının əsas mərhələsinin V turunda növbəti matçını keçirəcək.
İdman.Biz xəbər verir ki, Rəşad Sadiqovun baş məşqçisi olduğu kollektiv İtaliyada "Napoli"nin müvafiq yaş qrupundan ibarət komandası ilə qarşılaşacaq.
V turun oyunu Bakı vaxtı ilə saat 19:00-da start götürəcək. Oyunu Çexiyadan olan hakim Dominik Starı idarə edəcək.
Qeyd edək ki, əvvəlki 4 qarşılaşmada uduzan "Qarabağ"ın U-19 komandası Liqa mərhələsində sonuncu - 36-cı pillədə qərarlaşıb. Meydan sahibləri 3 xalla 25-cidir.
