Sport24.az
"Qarabağ" yayda heyətini yeni hücumçu ilə gücləndirmək istəyir. Sport24.az-ın əldə etdiyi məlumata görə, Fransanın "Loryen" klubunda çıxış edən Sambou Soumano hələ də ağdamlıların transfer siyahısındadır.
"Qarabağ" mövsümün əvvəlində seneqallı forvard üçün 2.5 milyon avro təklif etsə də, rədd cavabı almışdı. Liqa 1 klubu 25 yaşlı oyunçu üçün 5 milyon avro tələv etmişdi.
Bu dəfə isə Azərbaycan çempionunun işi asanlaşa bilər. Çünki futbolçunun klubu ilə müqaviləsi yayda bitir. "Köhlən atlar" oyunçunu azad agent kimi heyətinə qatmaq üçün razı salmalıdır.
Sambou Soumano cari mövsüm Liqa 1-də 22 matça çıxıb və 4 qol müəllifi olub. Onun bazar dəyəri 4 milyon avrodur.
