Idman.biz
"Qarabağ" Şimali Makedoniyanın "Şkendiya" klubunun azarkeşlərinə ayırdığı biletləri satışa çıxarılacaq.
İdman.biz xəbər verir ki, bu barədə Ağdam klubunun rəsmi səhifəsi məlumat yayıb.
"Şkendiya" azarkeşlərinin oyuna qatılmaması səbəbindən stadionun 27-ci və 28-ci sektorlarının biletləri yerli azarkeşlər üçün saat 12:00-dan etibarən satışa çıxarılacaq. Biletləri iTicket.az onlayn satış məntəqələrindən, Park Bulvardakı "Qarabağ"ın Fan-Şopundan və Tofiq Bəhramov adına Respublika stadionunun kassalarından əldə etmək mümkün olacaq.
Qeyd edək ki, UEFA Çempionlar Liqasının III təsnifat mərhələsinin "Qarabağ" – "Şkendiya" cavab görüşü bu gün Tofiq Bəhramov adına Respublika Stadionunda saat 20:00-da başlayacaq. "Qarabağ" ilk oyunda səfərdə 1:0 hesabı ilə qələbə qazanıb.
İdman.biz
