Sport24.az
"Qarabağ" heyətinə yeni hücumçu cəlb etmək istiqamətində fəaliyyətini davam etdirir. Sport24.az xəbər verir ki, Çempionlar Liqasının Liqa mərhələsinə vəsiqə qazanan "köhlən atlar"ın əsas transfer hədəfi "Loryan"da çıxış edən Sambu Sumanodur. Bu barədə jurnalist Rudi Qaletti məlumat yayıb.
Azərbaycan çempionu həm seneqallı forvardla şəxsi müqavilə şərtlərini, həm də klubu ilə danışıqlar aparır. "Qarabağ" Sambu Sumano üçün Fransa klubuna 2,5 milyon avro və 500 min avro bonus təklif edib. Futbolçunun xidmətində İngiltərənin "Blekbörn" və Şotlandiyanın "Seltik" klubu da maraqlıdır.
Qeyd edək ki, Sambu Sumano ötən mövsüm "Loryan"ın heyətində Liqa 1-də meydana çıxdığı 32 oyunda 14 qol və 3 məhsuldar ötürmə ilə yadda qalıb. Hücumçu bu mövsüm isə ölkə çempionatında keçirdiyi 2 oyunda 1 qol vurub.
