Sport24.az
2024/2025 mövsümündə Misli Premyer Liqasının qalibi olan "Qarabağ"ın bir çox çempionat oyunlarında az azarkeş qeydə alınıb. Sport24.az Ağdam təmsilçisinin matçlarındakı tərəfdar sayı ilə bağlı araşdırma aparıb.
"Köhlən atlar"ın "Neftçi" ilə qarşılaşmalarında fanatlar çoxluq təşkil edib. 23-cü turda səfərdə "ağ-qaralar"la oyunda (1:0) 9355 tamaşı olub. 31-ci turda evdəki matçda (3:0) 7200, 15-ci turda səfərdəki görüşdə (3:0) 7069 tərəfdar tribunada yer alıb.
"Turan Tovuz"la səfərdəki 28-ci turun qarşılaşmasında rəqəm 6500-dürsə, 12-ci turda yenə Tovuzdakı matçda 6000-ə bərabər olub. "Sabah"la Masazırda heç-heçə etdikləri oyun (1:1, 3960 azarkeş) istisna digər bütün matçlarda 1000-2000 arası fanat stadiona gedib.
Ən az fanat isə 26-cı turda "Araz-Naxçıvan"la qarşılaşmada olub. Ağdam təmsilçisinin 3:1 hesabı ilə qalib gəldiyi səfər oyununda 300 azarkeş qeydə alınıb. Evdə "Səbail"i 5 cavabsız qolla üstələdikləri 22-ci turun matçında 400, doğma meydanda "Sabah"la heç-heçə etdikləri (1:1) 24-cü turun oyununda 500, səfərdə "Araz-Naxçıvan"a qalib gəldikləri I tur qarşılaşmasında 600, evdə "Sumqayıt"ı yendikləri (5:0) 17-ci turun görüşündə 800-2000 arası tamaşaçı olub.
Qeyd edək ki, cari mövsüm "Qarabağ"ın Çempionlar Liqası və Avropa Liqasındakı ev matçlarında 20 mindən çox azarkeş olub.
