"Qarabağ"ın Çempionlar Liqasının 2024/25 mövsümündə keçirəcəyi ilk ev oyununun təyinatları açıqlanıb.
İdman.biz xəbər verir ki, Azərbaycan çempionunun II təsnifat mərhələsində "Hamrun Spartans" (Malta) – "Linkoln" (Cəbəllütariq) cütünün qalibinə qarşı keçirəcəyi cavab görüşündə ədaləti Ukraynadan olan hakimlər qoruyacaq.
İyunun 30-da baş tutacaq matçın baş hakimi Viktor Kopiyevski olacaq. Ona həmyerliləri Semyon Şlonçak və Vladimir Visotski kömək edəcəklər. Dördüncü hakim funksiyasını Dmitri Pançişin yerinə yetirəcək.
Qeyd edək ki, Tofiq Bəhramov adına Respublika stadionunda keçiriləcək qarşılaşma saat 20:00-da başlayacaq.
İdman.biz