Idman.biz
UEFA Çempionlar Liqasının pley-off mərhələsi çərçivəsində keçiriləcək "Qarabağ" - "Nyukasl Yunayted" oyunu öncəsi mətbuat konfransları və media nümayəndələri üçün açıq məşqlərin vaxtları açıqlanıb.
İdman.Biz xəbər verir ki, bu barədə Ağdam təmsilçisi məlumat yayıb.
Bildirilib ki, "Qarabağ" klubunun baş məşqçisi Qurban Qurbanovun iştirakı ilə mətbuat konfransı fevralın 17-də saat 17:00-da Tofiq Bəhramov adına Respublika stadionunda keçiriləcək. Həmin gün saat 17:30-da isə Azersun Arenada media nümayəndələri üçün açıq məşq təşkil olunacaq. Açıq məşqin yalnız ilk 15 dəqiqəsi jurnalistlərin iştirakı ilə izlənilə biləcək.
Qonaq komanda "Nyukasl Yunayted"in baş məşqçisi Eddi Haunun mətbuat konfransı saat 20:30-da, açıq məşqi isə 21:00-da Almaniyada baş tutacaq.
Media nümayəndələri akkreditasiyalarını fevralın 17-də saat 11:00-dan 16:00-dək Tofiq Bəhramov adına Respublika stadionunun mətbuat otağından əldə edə bilərlər.
Xatırladaq ki, fevralın 18-də Tofiq Bəhramov adına Respublika stadionunda keçiriləcək "Qarabağ" - "Nyukasl Yunayted" qarşılaşması saat 21:45-də başlayacaq.
