Report.az
Bakıda "Qarabağ" və İngiltərənin "Nyukasl" komandaları arasında keçiriləcək UEFA Çempionlar Liqasının pley-off mərhələsinin ilk oyununu norveçli hakimlər idarə edəcək.
"Report"un məlumatına görə, qarşılaşmanın baş hakimi Espen Eskas olacaq.
Ona həmyerliləri Jan Erik Engan və Isaak Elias Bashevkin köməklik göstərəcəklər. Dördüncü hakim funksiyasını Sigurd Kringstad yerinə yetirəcək.
VAR-da niderlandlı Rob Dieperink, AVAR-da Dennis Higler əyləşəcəklər. Hakim-inspektor italiyalı Matteo Simone Trefoloni, UEFA nümayəndəsi litvalı İqnas Marcinkeviçiusdur.
Qeyd edək ki, görüş fevralın 18-də, saat 21:45-də Tofiq Bəhramov adına Respublika stadionunda start götürəcək. Cavab qarşılaşması isə fevralın 24-dən 25-nə keçən gecə, saat 00:00-da İngiltərədə baş tutacaq.
