Sport24.az
Misli Premyer Liqasında XI - "Zəfər turu"na Suraxanıda yekun vurulacaq. Sport24.az xəbər verir ki, "Qarabağ" "doğma divarlar" arasında "Neftçi"ni qəbul edir.
Bu həm də ilk dövrənin son qarşılaşması olacaq. Meydan sahibləri "Azərbaycan derbisi" statusu daşıyan matçdan qalib ayrılacağı halda yenidən turnir cədvəlində zirvəyə dönəcək. Ancaq onu da nəzərə almaq lazımdır ki, "Neftçi" son görüşlərdə inamlı təsir bağışlayır və ağdamlıların asan qələbə qazanacağını söyləmək çətindir.
"Ağ-qaralar"ın da meydana 3 xal üçün çıxacağı heç kimdə şübhə doğurmur. Samir Abasovun baş məşqçisi olduğu kollektiv turnir cədvəlində mövqeyini yaxşılaşdırmaq, liderlərdən uzaq düşməmək üçün əlindən gələni edəcək.
Qeyd edək ki, turun və dövrənin sön oyunun start fiti saat 18:44-də çalınacaq.
Misli Premyer Liqası
I dövrə, XI tur
18:44. "Qarabağ" - "Neftçi"
Hakimlər: Elçin Məsiyev, Elşad Abdullayev, Pərvin Talıbov, Elvin Bayramov
VAR: Fərid Hacıyev
AVAR: Rəhman İmami
Hakim-inspektor: Babək Quliyev
AFFA nümayəndəsi: Erkin Hüseynov
Bakı. "Azersun Arena".
