Idman.biz
"Qarabağ" - "Kəpəz" oyunu başa çatıb.
İdman.biz xəbər verir ki, qarşılaşma Ağdam təmsilçisinin minimal hesablı qələbəsi ilə bitib - 1:0.
Bu qələbədən sonra "Qarabağ" 13 xalla yarış cədvəlində ikinci pilləyə yüksəlib. "Kəpəz" isə ardıcıl yeddinci oyunda məğlubiyyətə uğrayıb və 0 xalla sonuncu yerdədir. Komandanı bu gün meydançaya yeni məşqçi Azər Bağırov çıxarmışdı.
18:03
"Qarabağ" - "Kəpəz" oyununda ikinci hissə start götürüb.
İdman.biz bildirir ki, birinci hissədən sonra "Qarabağ" irəlidədir - 1:0.
17:47
Misli Premyer Liqasının VII turu çərçivəsində "Qarabağ" - "Kəpəz" qarşılaşmasında fasilə elan edilib.
İdman.biz xəbər verir ki, "Qarabağ" fasiləyə üstünlüklə yollanıb - 1:0.
17:43
Misli Premyer Liqasının VII turu çərçivəsində "Qarabağ" - "Kəpəz" qarşılaşmasında hesab açılıb.
İdman.biz xəbər verir ki, 37-ci dəqiqədə "Qarabağ" komandasından Samy Mmae fərqlənib - 1:0.
17:00
Misli Premyer Liqasının VII turu çərçivəsində "Qarabağ" - "Kəpəz" qarşılaşması start götürüb.
İdman.biz xəbər verir ki, oyun "Azersun Arena"da baş tutur.
09:28
Misli Premyer Liqasında VII turun oyunları davam edir.
İdman.biz xəbər verir ki, tur çərçivəsində bu gün daha iki oyun keçiriləcək.
Günün ilk matçı "Azersun Arena"da baş tutacaq. Həftəiçi Çempionlar Liqasında "Kopenhagen"i məğlub edən "Qarabağ" yeni baş məşqçi ilə anlaşan autsayder "Kəpəz"i qonaq edəcək. Kağız üzərində Gəncə təmsilçisi şanssız görünsə də futbolun sürprizlərlə dolu bir idman növü olduğunu unutmaq olmaz.
Qeyd edək ki, oyunun start fiti saat 17:00-da səslənəcək.
Misli Premyer Liqası
I dövrə, VII tur
17:00. "Qarabağ" - "Kəpəz"
Hakimlər: Nicat İsmayıllı, Rahil Ramazanov, Kərim Zeynalov, Vüqar Həsənli
VAR: Əli Əliyev
AVAR: Rəşad Əhmədov
Hakim-inspektor: Babək Quliyev
AFFA nümayəndəsi: Asif Əliyev
Bakı. "Azersun Arena".
