Idman.biz
UEFA Çempionlar Liqasının əsas mərhələsinin II turu çərçivəsində "Qarabağ" – "Kopenhagen" oyunu başa çatıb.
İdman.biz xəbər verir ki, oyun Ağdam təmsilçisinin 2:0 hesablı qələbəsi ilə başa çatıb.
Bu qələbədən sonra "Qarabağ" Çempionlar Liqasının əsas mərhələsindəki xallarının sayını 6-ya çatdırıb. İlk oyunda ağdamlılar Lissabonda "Benfika"nı məğlub etmişdilər.
22:28
"Qarabağ" – "Kopenhagen" qarşılaşmasında Ağdam klubu hesab arasındakı fərqi artırıb.
İdman.biz bildirir ki, 83-cü dəqiqədə Addai ikinci topu danımarkalıların qapısından keçirib.
21:50
"Qarabağ" – "Kopenhagen" qarşılaşmasının ikinci hissəsi başlayıb.
İdman.biz-in məlumatına görə, ilk yarıdan sonra Ağdam təmsilçisi Zubirin vurduğu qolla hesabda irəlidədir.
21:35
Çempionlar Liqasının əsas mərhələsinin II turu çərçivəsində "Qarabağ" – "Kopenhagen" qarşılaşmasının birinci hissəsi başa çatıb.
İdman.biz bildirir ki, ilk yarıdan sonra hesab 1:0 "Qarabağ"ın xeyrinədir. Yeganə qolu 28-ci dəqiqədə Zubir vurub.
21:14
UEFA Çempionlar Liqasının əsas mərhələsinin II turu çərçivəsində "Qarabağ" – "Kopenhagen" oyununda hesab açılıb.
İdman.biz bildirir ki, 28-ci dəqiqədə Abdullah Zubir qonaqları meydanın mərkəzinə dəvət edib.
20:45
UEFA Çempionlar Liqasının əsas mərhələsinin II turu çərçivəsində "Qarabağ" – "Kopenhagen" oyununa start verilib.
İdman.biz xəbər verir ki, Tofiq Bəhramov adına Respublika stadionunda keçirilən matçı Niderlanddan olan FIFA referisi Serdar Gözübüyük idarə edir.
19:44
"Qarabağ" UEFA Çempionlar Liqası Liqa mərhələsinin II turu çərçivəsində Tofiq Bəhramov adına Respublika Stadionunda "Kopengahen"i qəbul edəcək.
İdman.biz xəbər verir ki, komandalar saat 20:45-də start götürəcək maatçda meydana aşağıdakı heyətlərlə çıxacaq:
"Qarabağ": 99. Mateuş Koxalski, 44. Elvin Cəfərquliyev, 81. Kevin Medina, 13. Kevin Medina, 2. Mateus Silva, 35. Pedro Bikalyo, 20. Kadi Borges, 10. Abdullah Zubir (k), 15. Leandro Andrade, 21. Aleksey Kaşuk, 17. Kamilo Duran
Baş məşqçi: Qurban Qurbanov
"Kopenhagen": 1. Dominik Kotarski, 5. Qabriel Pereyra, 6. Pantelis Hatzidiakos, 9. Yussufa Mukoko, 10. Məhəmməd Elyunussi, 11. Cordan Larsson, 12. Lukas Lerager, 13. Rodriqo Hueskas, 15. Markos Lopes, 16. Robert, 27. Tomas Delaney (k)
Baş məşqçi: Yakob Neestrup
09:17
"Qarabağ" bu gün UEFA Çempionlar Liqasının əsas mərhələsində növbəti oyununu keçirəcək.
İdman.biz xəbər verir ki, Qurban Qurbanovun baş məşqçisi olduğu komanda II turda Bakıda Danimarkanın "Kopenhagen" klubu ilə üz-üzə gələcək.
Qarşılaşma Tofiq Bəhramov adına Respublika stadionunda, saat 20:45-də start götürəcək. Matçı Niderlanddan olan FIFA referisi Serdar Gözübüyük idarə edəcək.
"Qarabağ" və "Kopenhagen" artıq avrokuboklarda 5-ci dəfədir ki, qarşılaşacaqlar. İlk dəfə bu komandalar 1998-ci ilin yayında - o vaxt UEFA-nın Kuboklar kuboku adlanan yarışında üz-üzə gəlib və skandinaviyalılar hər iki matçda böyük hesabla qələbə qazanıb - evdə 6:0, səfərdə 4:0.
Komandaların 2017-ci ildə ÇL-in pley-off mərhələsindəki qarşılaşmalarda isə "Qarabağ" üstün olub. Bakıda 1:0 hesabı ilə qalib gələn Ağdam təmsilçisi səfərdə uduzsa da (1:2), o vaxtkı səfər qolu qaydası sayəsində tarixində ilk dəfə Çempionlar Liqasının Liqa mərhələsinə yüksəlib.
UEFA Çempionlar Liqası
Liqa mərhələsi
II tur
1 oktyabr
20:45. "Qarabağ" (Azərbaycan) – "Kopenhagen" (Danimarka)
Baş hakim: Serdar Gözübüyük
Tofiq Bəhramov adına Respublika stadionu
Qeyd edək ki, "Qarabağ" I turda Portuqaliyada "Benfika"nı məğlub edib - 3:2. "Kopenhagen" isə evdə Almaniyanın "Bayer 04" komandası ilə heç-heçə edib - 2:2.
