Idman.biz
Bukmekerlər Ağdamın "Qarabağ" klubu ilə Danimarkanın "Kopenhagen" klubunun Çempionlar Liqasının qrup mərhələsinin ikinci turundakı matçda şanslarını qiymətləndiriblər.
İdman.biz-in xəbərinə görə, bukmekerlər hər iki komandanın qələbə şansını demək olar ki, bərabər hesab edir, lakin Ağdam klubunun kiçik üstünlüyü olduğunu düşünürlər.
Xüsusilə, "Qarabağ"ın qələbəsi üçün əmsallar 2,7–2,9 arasında dəyişir, "Kopenhagen"in şansları isə 2,6–2,8 qiymətləndirilir. Heç-heçə üçün əmsal 3,2–3,4 təşkil edir.
Qeyd edək ki, hər iki klub qarşılaşmadan əvvəl milli çempionatlarda qələbə qazanıb. Belə ki, "Qarabağ" Azərbaycan Premyer Liqasının 6-cı turunda evdə "Qəbələ"ni asanlıqla 2:0 hesabı ilə məğlub edib. Öz növbəsində, "Kopenhagen" səfərdə "Sonnerjyske"ni 2:1 hesabı ilə üstələyib.
Xatırladaq ki, 2017-ci ildə klublar Çempionlar Liqasının kvalifikasiya mərhələsinin pley-off turunda qarşılaşıblar: Ağdam klubu evdə 1:0 hesabı ilə qələbə qazanmış, səfərdə isə 1:2 hesabı ilə uduzub. O dövrdə qüvvədə olan səfər qolunun qaydasına görə məhz "Qarabağ" ilk dəfə əsas mərhələyə vəsiqə qazanıb.
"Qarabağ" ilə "Kopenhagen" arasındakı Çempionlar Liqasının cari qrup mərhələsi matçı oktyabrın 1-i, Tofiq Bəhramov adına Respublika Stadionunda keçiriləcək və Bakı vaxtı ilə saat 20:45-də başlayacaq.
Teymur Tuşiyev
