Sport24.az
"Qarabağ" və "Kopenhagen" komandaları indiyədək avrokuboklarda dörd dəfə üz-üzə gəliblər. Sport24.az-ın məlumatına görə, beşinci qarşılaşma bu gün UEFA Çempionlar Liqasının Liqa mərhələsinin II turuna təsadüf edəcək.
İlk matçlar ötən əsrin sonlarında keçirilib. Həmin vaxt tərəflər 1998/1999 mövsümündə UEFA Kuboklar Kubokunda bir-birilərinə rəqib olublar. I təsnifat mərhələsinin iki qarşılaşmasında Azərbaycan təmsilçisi məğlub olub - 0:4, 0:6.
Komandalar daha sonra 2017/2018 mövsümündə UEFA Çempionlar Liqasının pley-off mərhələsində münasibətlərə aydınlıq gətiriblər. Evdə 1:0 hesabı ilə qalib gələn Ağdam klubu Danimarkadakı görüşdə uduzsa da (1:2) səfər qolu sayəsində qrup mərhələsinə vəsiqəni təmin edib.
Qeyd edək ki, bu gün keçiriləcək "Qarabağ" - "Kopenhagen" oyunu saat 20:45-də start götürəcək.
