Sport24.az
Misli Premyer Liqasının XIII turunun ikinci oyun gününə Suraxanıda yekun vurulacaq. Sport24.az xəbər verir ki, "Qarabağ" "Karvan-Yevlax"ı qəbul edir.
Heç şübhəsiz ki, oyunun favoriti "Qarabağ"dır. Çempionatın lideri autsayderlə matçda çətinlik çəkməəlidir. Ancaq Yevlax təmsilçisinin həftəiçi baş verən məşqçi dəyişikliyi sözünü deyə bilər. Autsayder Azər Həşimovla vidalaşaraq "sükan arxasına" Füzuli Məmmədovu dəvət edib. Yeni çalışdırıcının gəlişi istər-istəməz düşərgədə ab-havaya təsir edir.
Qeyd edək ki, turun dünən keçirilən oyunlarında "Zirə" səfərdə "Kəpəz"i (2:0) məğlub edib. "Turan Tovuz" - "Neftçi" matçında isə qapılara qol vurulmayıb.
Misli Premyer Liqası
II dövrə, XII tur
17:00. "Qarabağ" - "Karvan-Yevlax"
Hakimlər: Kamranbəy Rəhimov, Eyyub İbrahimov, Zöhrab Abbasov, Kamran Əliyev
VAR: Cavid Cəlilov
AVAR: Kamran Bayramov
Hakim-inspektor: Ömər Paşayev
AFFA nümayəndəsi: Nəriman Axundov
Bakı. "Azersun Arena".
