Idman.biz
"Qarabağ" rəhbərliyi komandanın qapıçısı Fabiyan Buntiçlə bağlı qərarını qətiləşdirib.
İdman.Biz fanat.az-a istinadən xəbər verir ki, baş məşqçi Qurban Qurbanovun tam güvənmədiyi qolkiperə Almaniyadan real təklif var.
Təklifə baxmayaraq, Ağdam təmsilçisi bu qış sözügedən futbolçu ilə vidalaşmaq niyyətində deyil. Buna səbəb ikinci qapıçı Şahruddin Məhəmmədəliyevin zədələnərək əməliyyat olunması və digər "çərçivə" qoruyucusu Amin Ramazanovun 1-ci Liqa klubu "Zaqatala"da icarədə çıxış etməsidir. Məhz bu amillər xorvat əsilli almaniyalı qapıçının ən azı mövsümün sonuna qədər heyətdə saxlanılmasını zəruri edir.
Qeyd edək ki, "Qarabağ" UEFA Çempionlar Liqasının əsas mərhələsində 6 turdan sonra 7 xal toplayıb. Azərbaycan çempionu pley-off mərhələsinə yüksəlmək şansını hələ də qoruyur.
