Idman.biz
"Qarabağ" Çempionlar Liqasının əsas mərhələsində İspaniyanın "Atletik" klubu ilə oyunda qələbə qazanarsa, futbolçularına böyük miqdarda pul mükafatı verəcək.
İdman.Biz sportinfo.az-a istinadən xəbər verir ki, mükafatın məbləğ 110-120 min manatdan başlayır.
Bu, əsas heyətdə meydana çıxacaq oyunçulara çatacaq vəsaitdir. Oyunda 1 xal əldə olunarsa, göstərilən rəqəmin yarısı qədər pul əldə edəcəklər.
"Qarabağ" hazırda 6 xalla 10-cu pillədə qərarlaşıb. İlk iki görüşdə uduzan Bilbao klubu isə 35-cı sıradadır.
Azərbaycan çempionu Liqa mərhələsinin I turunda Portuqaliyada "Benfika"nı 3:2 hesabı ilə üstələyib. "Köhlən atlar" II turda Bakıda Danimarka təmsilçisi "Kopenhagen"ə qalib gəlib - 2:0.
Ağdam təmsilçisi Portuqaliya səfərində qeydə alınan nəticəyə görə futbolçuların hər birinə 100 min manatın üstündə mükafat ödəyib. "Kopenhagen" üzərində qələbə isə onları 80 min manat civarında irəli salıb.
Qeyd edək ki, "San Mames" stadionunda keçiriləcək "Atletik" - "Qarabağ" qarşılaşması bu gün, Bakı vaxtı ilə saat 20:45-də start götürəcək.
