Idman.biz
"Azərbaycan çempionatlarında 350 oyun keçirməyimdə zəhməti olan hər kəsə təşəkkür edirəm. Bu rəqəmə çatmaq üçün çox əziyyət çəkmişəm. Bunun üçün həm saglam xarakterə, düşüncəyə, həm də nizam-intizama sahib olmalı, fiziki durumu qorumalısan. Şükürlər olsun ki, bunları qoruyub saxlamışam".
İdman.biz xəbər xəbər verir ki, bunu "Araz-Naxçıvan"ın yarımmüdafiəçisi Qara Qarayev deyib.
Futbol üzrə Azərbaycan çempionatlarında 350-ci matçına çıxan təcrübəli futbolçu təəssüratları bölüşüb: "350-də dayanmaq fikrim yoxdur. Hədəfim fiziki gücüm imkan verdiyi qədər daha çox oyun keçirməkdir. İlk oyunumdan bu günə qədər bütün görüşlərim əhəmiyyətlidir, hər birinin özünəməxsus yeri, uğuru, xatirəsi var. Dəyərini dərk edirəm. Karyeramın bundan sonrakı hissəsində də keçirəcəyim oyunlara eyni dəyəri, keyfiyyəti qatmağa çalışacağam. Azərbaycan futboluna layiq olmağa çalışmışam, bundan sonra da belə olacaq".
Qeyd edək ki, Azərbaycan Premyer Liqasının 33-cü turunda keçirilən "Araz-Naxçıvan"- "Sabah" görüşü 1:1 hesabı ilə yekunlaşıb.
İdman.biz
