Sport24.az
Türkiyə Kuboku 1/4 final mərhələsinin "Qalatasaray"la oyununda baş verənlərə görə "Fənərbaxça"nın bir neçə üzvü cəzalandırılıb. Sport24.az xəbər verir ki, matç bitdikdən sonra rəqib baş məşqçi Okan Burukun burnunu sıxan Joze Mourinyoya 3 oyunluq cəza verilib.
"Fənərbaxça"nın futbolçularından Mert Hakan Yandaşa 1, Fredə isə 3 matçlıq cəza verilib. Həm oyunçuların, həm də Mourinyonun cəzası Super Liqaya şamil edilmir. Yalnız ölkə kubokuna aiddir. Joze Mourinyonun köməkçisi Salvatore Fode də 4 oyunluq cəzaya məruz qalıb.
"Qalatasaray"ın futbolçularının cəzası hələ açıqlanmayıb. "Sarı-qırmızılar" İntizam Komitəsinə müdafiə ilə bağlı müraciətini etməyib. "Qalatasaray"ın futbolçuları Barış Alper Yılmaz və Kerem Demirbaya verilən cəzalar qarşıdakı günlərdə açıqlanacaq.
Qeyd edək ki, bir oyundan ibarət olan 1/4 finalda "Qalatasaray" "Fənərbaxça"nı 2:1 hesabı ilə məğlub edərək yarımfinala yüksəlib.
