Idman.biz
Fernando Musleranın gedişindən sonra yeni qapıçı axtarışında olan "Qalatasaray" diqqətini İtaliya A Seriyasına yönəldib.
İdman.biz xəbər verir ki, Türkiyə çempionu 2022-ci ildən "Roma"nın qapısını qoruyan serbiyalı Mile Svilar ilə maraqlanır.
"La Repubblica"nın məlumatına görə, "Qalatasaray" 25 yaşlı futbolçuya illik 6 milyon avro məbləğində maaş təklif edir.
Amma "Roma"nın da klubla 2027-ci ilə kimi müqaviləsi olan və 2024/25 mövsümündə A Seriyasının ən yaxşı qapıçısı seçilən Sviları heyətində saxlamaq niyyətində olduğu bildirilir.
"Qalatasaray"ın "İnter"in 36 yaşlı isveçrəli qolkiperi Yann Zommerlə maraqlandığı barədə də xəbərlər var.
İdman.biz
