Idman.biz
Hazırda İtaliyanın "Milan" klubunda çıxış edən 24 yaşlı Strahinya Pavloviçin adı yenidən "Qalatasaray"ın transfer gündəminə düşüb.
İdman.Biz xəbər verir ki, Türkiyə çempionu Ademola Lukmanla bağlı danışıqları davam etdirdiyi halda, müdafiə xəttini gücləndirmək üçün Pavloviçi əsas hədəf kimi müəyyən edib.
Qeyd edək ki, Strahinya Pavloviç Serbiya millisinin üzvüdür. Dayaq müdafiəçisi güclü fiziki göstəriciləri, hava toplarındakı mübarizəsi və topu oyuna çıxarma bacarığı ilə seçilir.
Keçid ötən mövsüm "Milan"ın 20 milyon avro (təxminən 36 milyon AZN) tələb etməsi səbəbindən dayandırılmışdı. Lakin Çempionlar Liqasından əldə edilən gəlirlər sayəsində bu transferin yenidən aktuallaşdığı bildirilir.
Baş məşqçi Okan Buruk serbiyalı futbolçunun transferinə prioritet verilməsini istəyib.
