Sport24.az
"Qalatasaray"ın müdafiəçisi Derrik Köhn "Spartak"a keçə bilər. Sport24.az "Transfer Web"-ə istinadən xəbər verir ki, Türkiyə klubu almaniyalı futbolçu üçün Moskva klubundan 10 milyon avro tələb edir.
Daha əvvəl mətbuatda Rusiya təmsilçisinin müdafiəçiyə görə "Qalatasaray"a 8 milyon avro təklif etdiyi barədə məlumat yayılıb.
Qeyd edək ki, 25 yaşlı futbolçu 2023/24 mövsümündə İstanbul klubunun heyətində ümumilikdə 36 matçda iştirak edib və 4 qol, 8 məhsuldar ötürmə ilə yadda qalıb. Onun "Qalatasaray"la müqaviləsi 2026-cı ilə qədərdir.
