Idman.biz
Cari mövsüm 25-ci çempionluğunu rəsmiləşdirən "Qalatasaray" transfer hazırlıqlarına başlayıb.
İdman.biz Türkiyə mətbuatına istinadən xəbər verir ki, "sarı-qırmızılar" "Bavariya" ilə müqaviləsi başa çatacaq Leroy Saneni heyətinə qatmağı planlaşdırır.
Klub yaxın günlərdə 29 yaşlı təcrübəli oyunçuya rəsmi təklif də göndərəcək. Lakin "rekordmayster"də Saneni komandada saxlamaq niyyətindədir və futbolçuya yeni müqavilə təklif olunacaq. Almaniyalı hücumçunun hansı klubu seçəcəyi isə hələ ki, sual altındadır.
Qeyd edək ki, Sane 2020-ci ildən "Bavariya"nın şərəfini qoruyur. Bu müddət ərzində 220 matça çıxan Sane 61 qol və 55 məhsuldar ötürmə müəllifi olub. O, klubla Almaniya Bundesliqası, Superkuboku və UEFA Superkuboku qazanıb.
İdman.biz
