Sport24.az
"İnter" yarımmüdafiəçi Hakan Çalhanoğluya görə heç bir təklif almayıb. Sport24.az xəbər verir ki, bu barədə insayder Canluka Di Marsio sosial şəbəkə hesabında paylaşım edib.
Mənbənin sözlərinə görə, "Qalatasaray"dan İtaliya klubuna heç bir müraciət olmayıb. Daha əvvəl Türkiyə mətbuatı İstanbul klubunun 31 yaşlı futbolçu ilə maraqlandığını yazmışdı.
Qeyd edək ki, Çalhanoğlu 2024/25 mövsümündə "İnter"in heyətində bütün yarışlarda 47 matçda 11 qol vurub, 5 məhsuldar ötürmə edib. Onun Milan klubu ilə müqaviləsi 2027-ci ilin yayında başa çatır. "Transfermarkt" portalı futbolçunun transfer dəyərini 35 milyon avro qiymətləndirir.
