Sport24.az
"Qalatasaray" rəhbərliyi Aleksey Batrakovun müqavilə şərtlərini yenidən nəzərdən keçirməyi planlaşdırır. Sport24. "Fotomac" qəzetinə istinadən xəbər verir ki, onlar yanvarda futbolçunun nümayəndəsini İstanbula dəvət edərək danışıqlar aparmaq niyyətindədirlər.
Mənbənin sözlərinə görə, bu plan hələ rusiyalı futbolçunun iki qol vurduğu Çempionlar Liqasının "Ştutqart"la matçından (2:0) əvvəl hazırlanıb, lakin rəsmilər mövsümün gərgin dövründə onun diqqətini oyunundan yayındırmaq istəmir.
Danışıqların əsas məqsədlərindən biri Batrakovun müqaviləsindəki sərbəst qalma bəndinə (təzminat məbləğinə) düzəliş etməkdir. Bu məbləğin 55 milyon avrodan 150 milyon avroya qaldırılması və ya müqavilədən tamamilə çıxarılması nəzərdə tutulur. Bundan əlavə, klub futbolçunun maaşını 3,25 milyon avrodan 4 milyon avrodan çox bir məbləğə çatdırmağı planlaşdırır. Yeni şərtlərin hər iki tərəf üçün qarşılıqlı faydalı olacağı gözlənilir.
Qeyd edək ki, Batrakov yay "transfer pəncərəsi" dövründə Moskva "Lokomotiv"indən "Qalatasaray"a keçib. Yeni klubunun heyətində bütün turnirlər daxil olmaqla 12 oyuna çıxan yarımmüdafiəçi, 5 qol vurub və 3 məhsuldar ötürmə edib.
