Sport24.az
"Qalatasaray" Türkiyə Super Liqasının 16-cı turunda səfərdə "Antalyaspor"un qonağı olacaq. Sport24.az xəbər verir ki, İstanbul təmsilçisi oyuna ciddi itkilərlə çıxacaq.
UEFA Çempionlar Liqası Liqa mərhələsinin 6-cı turunun "Monako" ilə matçında (0:1) zədələnən qapıçı Uğurcan Çakır komandaya kömək edə bilməyəcək. Bundan başqa müdafiəçilər Vilfred Sinqo ilə Kaan Ayhan və yarımmüdafiəçi Mario Lemina da zədəlidir.
Mehehan Baltacı və Eren Elmalı isə mərc oyunlarında iştirak etdikləri üçün cəzalıdır. Baltacı həbs olunub. Elmalı isə 45 gün müddətinə futboldan uzaqlaşdırılıb.
Qeyd edək ki, "Antalyaspor" - "Qalatasaray" qarşılaşması sabah keçiriləcək və Bakı vaxtı ilə saat 21:00-da start götürəcək.
