Idman.biz
Qadınlar arasında futbol üzrə Avropa çempionatı-2025-in yarımfinalında İspaniya yığması Almaniyanı əlavə vaxtda 1:0 hesabı ilə məğlub edib.
İdman.biz xəbər verir ki, ispaniyalı futbolçular tarixlərində ilk dəfə qitə birinciliyinin finalına yüksəliblər.
Finalda İspaniya İngiltərə ilə qarşılaşacaq. İngiltərə yığması bir gün əvvəl İtaliya ilə oyunda əlavə vaxtda 2:1 hesablı qələbə qazanıb.
AVRO-2025-in final oyunu iyulun 27-də Sürixdəki "Letzigrund" stadionunda keçiriləcək.
Qeyd edək ki, 2024-cü ildə kişilər arasında Avropa çempionatının finalında da İspaniya və İngiltərə yığmaları qarşılaşıblar və ispanlar 2:1 hesabı ilə qalib gəliblər.
İdman.biz
