Idman.biz
"Arsenal"ın və Braziliya millisinin mərkəz müdafiəçisi Qabriel Maqalyayns Seneqala (2:0) qarşı yoldaşlıq oyununda zədələnib və 64-cü dəqiqədə meydanı tərk edib.
İdman.Biz xəbər verir ki, oyundan sonra Braziliyanın baş məşqçisi Karlo Ançelotti oyunçunun zədəsi ilə bağlı fikirlərini bildirib.
"Qabrielin zədəsi olub-olmadığını bilmirəm. Deyəsən, o, əzələsində nəsə hiss edib. Sabah müayinədən keçəcək. Bunu hiss etdiyinə görə çox məyusuq. Ona tezliklə sağalmağı arzulayıram", - Ançelotti deyib.
Maqalyayns bu mövsüm klubun heyətində 17 oyunda meydana çıxıb, iki qol vurub və üç məhsuldar ötürmə edib.
