Sport24.az
"Çətin oyun olacağını bilirik". Sport24.az xəbər verir ki, bunu "Zirə"nin futbolçusu Pyer Zebli deyib.
27 yaşlı yarımmüdafiəçi Konfrans Liqasının III təsnifat mərhələsinin cavab oyunları çərçivəsində "Osiyek"ə qarşı keçiriləcək matçdan öncə təşkil olunan mətbuat konfransında iştirak edib. Zebli Bakıda baş tutacaq görüşdə yalnız qələbəyə kökləndiklərini vurğulayıb: "Rəqibin yaxşı futbolçuları var. Sabah ağır gün olacaq. Hər birimiz qələbəyə köklənmişik. Əlimizdən gələni edəcəyik ki, qələbə qazanaq".
Qeyd edək ki, sabah "Liv Bona Dea Arena"da keçiriləcək qarşılaşmanın start fiti saat 20:30-da səslənəcək.
