Sport24.az
"Sabah"ın Almaniyanın "Holştayn Kil" klubundan 1 illik icarəyə götürdüyü Timoteuş Puxaçun karyerasını yenidən Polşada davam etdirmək imkanı olub. Sport24.az bu barədə etibarlı mənbədən məlumat əldə edib.
"QKS Katovitse" 26 yaşlı cinah müdafiəçisini növbəti dəfə heyətinə qatmaq istəyib. Lakin Azərbaycan təmsilçisinin maliyyə baxımından daha yaxşı təklif irəli sürməsi oyunçunun "bayquşlar"ı seçməsinə səbəb olub.
Qeyd edək ki, "Lex"in yetirməsi olan Timoteuş Puxaç 2018/2019 mövsümündə "QKS Katovitse"nin formasını geyinib.
